کووڈ 19 وبائی امراض کی وجہ سے دنیا بھر میں دس کروڑ سے زائد افراد خط افلاس کے نیچے آگئے ہیں اور چار ارب سے زائد لوگوں کو کوئی سماجی امداد نہیں ملی ہے۔

اقوام متحدہ: اقوام متحدہ کے سیکریٹری جنرل انتونیو گوتریس نے کہا ہے کہ کووڈ 19 وبائی امراض کی وجہ سے دنیا بھر میں دس کروڑ سے زائد افراد خط افلاس کے نیچے آگئے ہیں اور چار ارب سے زائد لوگوں کو کوئی سماجی امداد نہیں ملی ہے۔

پیر کو بین الاقوامی مالیاتی فنڈ کے کووڈ ۔ 19 کے بحران کے لیے وقف، فنڈ ایونٹ کے اجلاس سے خطاب کرتے ہوئے مسٹر گوٹیرس نے کہا، “وبائی بیماری نے دس کروڑ سے زیادہ لوگوں کو غربت میں رہنے پر مجبور کیا ہے۔ چار ارب سے زیادہ لوگوں کو بہت کم یا کوئی سماجی سپورٹ نہیں ہے، نہ ہی صحت کی دیکھ بھال کے منصوبے ہیں اور نہ ہی کوئی آمدنی کا تحفظ ہے۔

اقوام متحدہ کے سربراہ نے خبردار کیا کہ ویکسین کی غیر مساوی تقسیم دنیا بھر میں نئی ​​بیماریوں سے لاکھوں اموات کا سبب بنے گی اور معاشی سست روی کی مدت کو طویل کرے گی جو غریب ممالک کو سب سے زیادہ متاثر کرے گی۔ انہوں نے کہا، "ہمیں جس چیز کی ضرورت ہے وہ اس وبائی مرض کو ختم کرنے کے لیے ایک جرات مندانہ اجتماعی کوشش ہے جو ایک پائیدار اور جامع عالمی بحالی کے قابل ہوگی۔”