گاندھی جینتی کے موقع پر 2 اکتوبر کو اقوام متحدہ کے زیر اہتمام عدم تشدد کا عالمی دن منایا جاتا ہے۔
نئی دہلی: ملک ہفتہ کو اپنے دو عظیم سپوتوں مہاتما گاندھی اور لال بہادر شاستری کا یوم پیدائش منا رہا ہے۔ گاندھی جینتی کے موقع پر 2 اکتوبر کو اقوام متحدہ کے زیر اہتمام عدم تشدد کا عالمی دن منایا جاتا ہے۔
دارالحکومت میں گاندھی جی کی سمادھی راج گھاٹ اور شاستری جی کی سمادھی وجئے گھاٹ پر اہم خراج عقیدت کی تقریب کا اہتمام کیا گیا ہے۔ ان عظیم شخصیات کو خراج عقیدت پیش کرنے کے لیے ملک بھر میں مختلف مقامات پر میٹنگوں اور سیمینارز کا اہتمام کیا گیا ہے۔ وزیر اعظم نریندر مودی دن میں آن لائن پنچایت سمیتیوں اور پانی کی کمیٹیوں کے نمائندوں سے خطاب کریں گے۔
آج گاندھی جی کی 152 ویں سالگرہ ہے۔ وہ 2 اکتوبر 1869 کو پوربندر، گجرات میں پیدا ہوئے۔ وہ سچائی اور عدم تشدد کے علمبردار تھے۔ ان کا اصل نام موہن داس کرم چند گاندھی تھا۔
شاستری جی کا جنم 2 اکتوبر 1904 کو مغل سرائے میں ہوا تھا۔ وہ 9 جون 1964 سے 11 جنوری 1966 کو اپنی موت تک تقریباً اٹھارہ ماہ تک وزیر اعظم رہے۔ اس اہم عہدے پر ان کا دور اقتدار بے مثال تھا۔ انہوں نے جئے جوان، جئے کسان کا نعرہ دیا۔
