مسٹر بائیڈن نے یہاں نامہ نگاروں کو بتایا کہ میڈیا میں یہ خبر آ رہی ہیں کہ مسٹر جن پنگ نے گزشتہ ہفتے فون پر گفتگو کے دوران ان کی (مسٹر بائیڈن کی) دو طرفہ ملاقات کی تجویز کو مسترد کر دیا جو کہ سراسر غلط ہے۔
ماسکو/واشنگٹن: امریکی صدر جو بائیڈن نے میڈیا میں چین کے صدر شی جن پنگ کے ذریعہ دو طرفہ میٹنگ کو ٹھکرائے جانے سے متعلق آ رہی رپورٹ کو غلط بتایا۔
مسٹر بائیڈن نے یہاں نامہ نگاروں کو بتایا کہ میڈیا میں یہ خبر آ رہی ہیں کہ مسٹر جن پنگ نے گزشتہ ہفتے فون پر گفتگو کے دوران ان کی (مسٹر بائیڈن کی) دو طرفہ ملاقات کی تجویز کو مسترد کر دیا جو کہ سراسر غلط ہے۔
اس سے قبل اخبار ‘فنانشل ٹائمز’ نے ٹیلی فون کال پر کئی لوگوں کے حوالے سے بتایا تھا کہ مسٹر بائیڈن اپنے چینی ہم منصب کے ساتھ دو طرفہ مذاکرات کی کوشش میں ناکام رہے ہیں۔
اخبار نے خبر دی ہے کہ مسٹر بائیڈن نے مسٹر جن پنگ کو دونوں رہنماؤں کے درمیان دو طرفہ سربراہی کانفرنس کی میزبانی کی پیشکش کی تھی۔ لیکن چینی صدر نے ان کی پیشکش کو یہ کہتے ہوئے ٹھکرا دیا کہ امریکہ کو چاہیے کہ وہ اجلاس منعقد کرنے کے بجائے چین کے ساتھ کشیدگی کو کم کرنے کی کوشش کرے۔
نامہ نگاروں کے ذریعہ یہ پوچھے جانے پر کہ مسٹر جن پنگ نے ان سے ملنے سے انکار کردیا، اس سے کیا وہ مایوس ہیں، مسٹر بائیڈن نے کہا یہ حقیقت نہیں ہے‘‘۔
