چین میں لیوننگ صوبے کے ڈالیان شہر میں گیس دھماکہ میں آٹھ افراد ہلاک اور پانچ زخمی ہوگئے
ڈالیان: چین میں لیوننگ صوبے کے ڈالیان شہر میں ہفتے کی صبح ایک رہائشی عمارت میں سلنڈر کے رساؤ سے ہوئے گیس دھماکہ میں آٹھ افراد ہلاک اور پانچ دیگر زخمی ہوگئے۔
مقامی حکام نے بتایا کہ فائر بریگیڈ اور مقامی پولیس فوراً موقع پر پہنچ گئی۔ آگ پر کئی گھنٹوں کی کوشش کے بعد قابو پایا گیا۔ اس واقعے میں اب تک آٹھ افراد کی ہلاکت کی تصدیق ہوچکی ہے۔ زخمیوں کو مقامی ہسپتالوں میں منتقل کر دیا گیا ہے اور ان کی حالت مستحکم ہے۔
انہوں نے کہا کہ عمارت کو خالی کرا لیا گیا ہے۔ حادثے کی وجوہات کی تحقیقات کی جا رہی ہیں۔
