کانگریس کی صدر سونیا گاندھی نے ذات پر مبنی مردم شماری سے متعلق معاملات کو دیکھنے اور ان کے مطالعہ کے لیے اس کمیٹی کی تشکیل کی ہے
نئی دہلی: کانگریس نے سینئر رہنما ویرپّا موئیلی کی قیادت میں ذات پر مبنی مردم شماری سے متعلق امور کا مطالعہ کے لیے پارٹی کی سات رکنی کمیٹی تشکیل دی ہے۔
کانگریس کے جنرل سکریٹری کے سی وینوگوپال نے جمعہ کے روز یہاں بتایا کہ پارٹی کی صدر سونیا گاندھی نے ذات کی مردم شماری سے متعلق معاملات کو دیکھنے اور ان کے مطالعہ کے لیے اس کمیٹی کی تشکیل کی ہے اور کمیٹی سے کہا گیا کہ وہ فوری اثر سے کام کرے۔
انہوں نے بتایا کہ مسٹر موئیلی کو کمیٹی کا کوآرڈینیٹر بنایا گیا ہے۔ کمیٹی میں ابھیشیک منو سنگھوی، سلمان خورشید، آر پی این سنگھ، موہن پرکاش، پی ایل پنیا اور کلدیپ وشنوئی شامل ہیں۔
