کانگریس کے سابق صدر راہل گاندھی اور پارٹی کی جنرل سکریٹری پرینکا گاندھی واڈرا نے اترپردیش میں بلاک پرمکھ کے انتخابات میں نامزدگی کے دوران خواتین کے ساتھ بدسلوکی کے پیش نظر یوگی حکومت پر حملہ بولا
نئی دہلی: کانگریس کے سابق صدر راہل گاندھی اور پارٹی کی جنرل سکریٹری پرینکا گاندھی واڈرا نے اترپردیش میں بلاک پرمکھ کے انتخابات میں نامزدگی کے دوران خواتین کے ساتھ بدسلوکی کے پیش نظر یوگی حکومت پر حملہ بولا ہے۔ انہوں نے کہا ہے کہ ریاست میں افراتفری کا ماحول ہے۔
مسٹر گاندھی نے ہفتے کے روز ٹویٹ کیا ’’اتر پردیش میں ’تشدد‘ کا نام تبدیل کرکے ’ماسٹر اسٹروک‘ رکھ دیا گیا ہے۔
اس کے ساتھ ہی انہوں نے ایک خبرکی کٹنگ بھی پوسٹ کی ہے جس میں لکھا ہے ’’اترپردیش میں سہ مرحلہ پنچایتی انتخابات کے تحت بلاک پرمکھوں کے چناؤ میں آٹھ جولائی کو کاغذات نامزدگی کے دوران کنوج، لکھیم پور کھیری، سیتا پور اناؤ گورکھپور سے تشدد اور خواتین کے ساتھ زیادتی ہوئی‘‘۔
उत्तर प्रदेश में ‘हिंसा’ का नाम बदलकर ‘मास्टरस्ट्रोक’ रख दिया गया है। pic.twitter.com/poT0aOxxBD
— Rahul Gandhi (@RahulGandhi) July 10, 2021
محترمہ واڈرا نے کہا ’’چند برس قبل ایک عصمت دری کی متاثرہ نے بی جے پی ایم ایل اے کے خلاف آواز اٹھائی تھی۔ متاثرہ اور اس کے کنبہ کو قتل کرنے کی کوشش کی گئی تھی۔ آج ایک عورت کا نامزدگی روکنے کے لئے بی جے پی نے تمام حدیں پار کردیں۔ حکومت وہی ۔ سلوک وہی‘‘۔
کانگریس کی ریاستی جنرل سکریٹری نے بھی ایک ویڈیو پوسٹ کی ہے جس میں ایک خاتون کو نامزدگی کے لئے جانے سے زبردستی روکنے کی کوشش کی جارہی ہے اور اس کے ساتھ بدتمیزی کی جارہی ہے۔
कुछ सालों पहले एक बलात्कार पीड़िता ने भाजपा विधायक के खिलाफ आवाज उठाई थी, उसे व उसके परिवार को मारने की कोशिश की गई थी।
आज एक महिला का नामांकन रोकने के लिए भाजपा ने सारी हदें पार कर दीं।
सरकार वही।
व्यवहार वही। pic.twitter.com/rTcGQiG3Ai— Priyanka Gandhi Vadra (@priyankagandhi) July 10, 2021
