دو ماہ بعد منگل کے روز پہلی بار پٹرول اور ڈیزل کی قیمتوں میں اضافہ کیا گیا۔ قومی دارالحکومت دہلی میں آج پٹرول 15 پیسے مہنگا ہو کر 90.55 روپے فی لیٹر پر پہنچ گیا۔ ڈیزل کی قیمت 18 پیسے بڑھی اور یہ 80.91 روپے فی لیٹر ہو گیا۔
نئی دہلی: دو ماہ بعد منگل کے روز پہلی بار پٹرول اور ڈیزل کی قیمتوں میں اضافہ کیا گیا۔ ملک کی سب سے بڑی آئل مارکیٹنگ کمپنی انڈین آئل کارپوریشن کے مطابق قومی دارالحکومت دہلی میں آج پٹرول 15 پیسے مہنگا ہو کر 90.55 روپے فی لیٹر پر پہنچ گیا۔ ڈیزل کی قیمت 18 پیسے بڑھی اور یہ 80.91 روپے فی لیٹر ہو گیا۔
رواں برس 27 فروری کے بعد پہلی مرتبہ پٹرول اور ڈیزل کی قیمتوں میں اضافہ کیا گیا ہے۔ دریں اثنا 24 مارچ، 25 مارچ، 30 مارچ اور 15 اپریل کو ان کی قیمتوں میں کٹوتی کی گئی تھی، جبکہ باقی دن قیمتیں مستحکم رہیں۔
ممبئی اور چنئی میں پٹرول 12-12 پیسے مہنگا ہو کر بالترتیب 96.95 اور 92.55 روپے فی لیٹر فروخت ہوا۔ کولکتہ میں اس کی قیمت 14 پیسے بڑھ کر 90.76 روپے فی لیٹر ہوگئی۔
ڈیزل ممبئی میں 17 پیسے، چنئی میں 15 پیسے اور کولکتہ میں 17 پیسے مہنگا ہوگیا۔ ممبئی میں اس کی قیمت 87.98 روپے، چنئی میں 85.90 روپے اور کولکتہ میں 83.78 روپے فی لیٹر رہی۔
پٹرول اور ڈیزل کی قیمتوں کا روزانہ جائزہ لیا جاتا ہے اور اسی بنیاد پر ہر روز صبح چھ بجے سے نئی قیمتیں لاگو ہو جاتی ہیں۔
ملک کے چار بڑے شہروں میں پٹرول اور ڈیزل کی قیمتیں مندرجہ ذیل ہیں:
شہر ————— پیٹرول ———— ڈیزل
دہلی ————— 90.55 ———— 80.91
ممبئی ———— 96.95 ———— 87.98
چنئی ———— 92.55 ———— 85.90
کولکتہ ———— 90.76 ————— 83.78
