مغربی بنگال اسمبلی انتخابات کے نتائج کے بعد ریاست میں ہونے والے تشدد کے بارے میں کنگنا کی متنازعہ ٹویٹ کے تناظر میں ٹویٹر نے یہ کارروائی کی ہے۔ وزیر اعلی ممتا بنرجی کے لئے، یہ کافی قابل اعتراض سمجھا جاتا ہے اور سیاست سے متاثر ہے۔
نئی دہلی: ٹوئٹر نے بالی ووڈ اداکارہ کنگنا راناوت کا ٹوئٹر اکاؤنٹ مستقل طور پر معطل کر دیا ہے۔
ٹوئٹر نے مغربی بنگال کے اسمبلی انتخابات کے نتائج کے بعد ریاست میں تشدد کے واقعات سے متعلق کنگنا کے اس متنازعہ ٹویٹ کے تناظر میں یہ کاروائی کی ہے۔ جسے ریاست کی وزیراعلیٰ ممتا بنرجی کے لیے کافی قابل اعتراض اور سیاست سے متاثر مانا گیا ہے۔
کنگنا نے ٹویٹ کرکے کہا، ’یہ خوفناک ہے۔ ہمیں غنڈئی کو مارنے کے لیے سپرغنڈئی چاہیے۔ وہ تاڑکا کی طرح ہے۔ مودی جی سنہ 2000 کے آغاز والے اپنے ’وراٹ روپ‘ کو دکھاؤ!‘۔ انہوں نے بنگال میں صدر راج ہیش ٹیگ بھی کیا۔
ٹویٹر نے اپنے بیان میں کہا کہ کنگنا راناوت مسلسل ’ہیٹ فل کنڈکٹ پالیسی‘ کی خلاف ورزی کر رہی تھیں لہٰذا ان کا اکاؤنٹ اب ہمیشہ کے لیے معطل کر دیا گیا ہے۔
