بنگال اسمبلی انتخابات میں 294 میں سے 292 نشستوں کے لئے ووٹوں کی گنتی اتوار کی صبح 8 بجے شروع ہوئی تھی اور ابتدائی رجحانات میں بھارتیہ جنتا پارٹی (بی جے پی) اور ترنمول کانگریس کے درمیان کانٹے کی ٹکر نظر آرہی ہے۔

کولکتہ: مغربی بنگال اسمبلی انتخابات میں 294 میں سے 292 سیٹوں کے لئے اتوار صبح آٹھ سے ووٹوں کی گنتی شروع ہوئی اور ابتدائی رجحانات میں بھارتیہ جنتا پارٹی (بی جے پی) اور ترنمول کانگریس کے درمیان کانٹے کی ٹکر نظر آرہی ہے۔

صبح 9 بجے تک ترنمول کانگریس کو 53 سیٹوں پر برتری حاصل تھی اور بی جے پی 49 سیٹوں پر آگے تھی۔

سخت حفاظتی انتظامات کے درمیان صبح آٹھ بجے ووٹوں کی گنتی شروع ہوئی۔  ریاست کی 292 سیٹوں پر ہوئی ووٹنگ میں سے 102 کے رحجان سامنے آئے ہیں۔ جہاں پوسٹل ووٹوں کی گنتی جاری ہے۔ ریاست کی 292 سیٹوں کے لئے 2116 امیدواروں نے انتخاب لڑا تھا، جن کی انتخابی قسمت کا فیصلہ آج ہو جائے گا۔