جھارکھنڈ ہائی کورٹ نے بہار کے سابق وزیر اعلی اور آر جے ڈی کے صدر لالو پرساد یادو کو دمکا کے خزانے سے غیر قانونی نکاسی کیس میں ضمانت آج منظور کرلی۔
رانچی: جھارکھنڈ ہائی کورٹ نے سرخیوں میں رہے چارہ گھپلے سے متعلق دمکا خزانے سے غیر قانونی نکاسی کے معاملے میں بہار کے سابق وزیر اعلی اور راشٹریہ جنتا دل (آر جے ڈی) کے صدر لالو پرساد یادو کی ضمانت آج منظور کرلی۔
جسٹس اپریش کمار سنگھ کی عدالت نے تمام فریقین کی سماعت کے بعد مسٹر یادو کی حراست کی مدت کو کافی سمجھتے ہوئے انہیں ضمانت دے دی۔ اس معاملے میں ضمانت کی منظوری کے بعد، اب مسٹر یادو کی رہائی کا راستہ صاف ہوتا دکھائی دے رہا ہے۔
