ایوی ایشن ذرائع کے مطابق سنگاپور سے امریکہ کے نیویارک ایئر پورٹ کے لئے روانہ ہونے والی سنگاپور ایئر لائن کی کمرشل پرواز میں صرف 11 مسافر سوار ہیں، جبکہ ان کی خدمت کے لئے 13 ممبرز موجود ہیں۔
نیویارک: کورونا وائرس کی سنگینی عالمی بحران ہے یا کچھ اور کہ سنگاپور سے نیویارک کی دنیا کی طویل ترین کمرشل پرواز میں صرف 11 مسافر سوار ہیں جبکہ ان کی خدمت پر 13 رکنی عملہ تعینات ہے۔
ایوی ایشن ذرائع کے مطابق سنگاپور سے امریکہ کے نیویارک ایئر پورٹ کے لئے رات ایک بج کر 26 منٹ پر روانہ ہونے والی سنگاپور ایئر لائن کی کمرشل پرواز میں صرف 11 مسافر سوار ہیں۔
دنیا کی سب سے طویل تجارتی پرواز ایس کیو 24، رات ایک بج کر 26 منٹ پر سنگاپور سے روانہ ہوئی، پرواز 17 گھنٹے 31 منٹ کا مسلسل طویل ترین سفر طے کر کے اگلی صبح نیویارک پہنچے گی۔
ایوی ایشن ذرائع کے مطابق اس پرواز کے لئے دو سال قبل اپریل 2018 میں پہلی اڑان بھرنے والی نئی ایئربس اے 350 زیر استعمال ہے جس میں مسافروں کی تین کیٹگریز ہیں اور اس ایئر بس میں 350 مسافروں کی گنجائش ہے۔ لیکن عالمی بحران کی سنگینی کی وجہ سے اس پرواز میں محض 11 مسافر سفر کر رہے ہیں جبکہ ان کی خدمت کے لئے 13 ممبرز موجود ہیں۔
ایوی ایشن ذرائع کے مطابق عام طور پر کم ترین تعداد میں مسافر ہونے پر پرواز منسوخ کردی جاتی ہیں لیکن ایئرلائنز کورونا بحران کی وجہ سے ساکھ بچانے کے لیے شدید نقصانات پر بھی پروازیں کرر رہی ہے۔
