مایاوتی نے پنچایت انتخابات کے لئے ہرڈویژن میں لیڈران کی ذمہ داری مقررکردی ہے۔ انہوں نے ٹکٹ کے لئے پرانے نظام میں تبدیلی کی ہے۔
لکھنؤ: بہوجن سماج پارٹی ریاست میں اگلے ماہ ہونے والے پنچایت انتخابات کے ساتھ ہی 2022 میں ہونے والے اسمبلی انتخابات کی تیاری میں مصروف ہے اس لئے بی ایس پی سربراہ نے واضح کردیا ہے کہ اگر اسمبلی انتخابات میں ٹکٹ چاہیے تو پنچایت الیکشن میں اچھے نتائج دینے ہوں گے۔
اسمبلی انتخابات کے ٹکٹ کے لئے ان کے نام پر ہی غورکیا جائے گا جوپنچایت انتخابات میں بہتر نتائج دیں گے۔ اس طرح پارٹی سربراہ نے اپنی پارٹی کے لیڈران اور کارکنان کو واضح پیغام دے دیا ہے۔
محترمہ مایاوتی نے پنچایت انتخابات کے لئے ہرڈویژن میں لیڈران کی ذمہ داری مقررکردی ہے۔ انہوں نے ٹکٹ کے لئے پرانے نظام میں تبدیلی کی ہے۔ اسمبلی انتخابات میں اب سفارش کی بنیادپر ٹکٹ نہیں ملے گا۔ ٹکٹ دینے سے پہلے زمینی حقیقت پرکھی جائے گی تبھی ٹکٹ دیا جائے گا
