سابق مرکزی وزیر دنیش تریویدی نے کہا کہ بنگال میں جس طرح تشدد ہورہا ہے انہیں یہاں بیٹھے بیٹھے بہت عجیب لگ رہا ہے۔ انہیں گھٹن محسوس ہو رہی ہے اور وہ کچھ بول نہیں پارہے ہیں اس لئے وہ راجیہ سبھا کی رکنیت سے استعفیٰ دے رہے ہیں۔
نئی دہلی: ترنمول کانگریس کے سینئر لیڈر اور سابق مرکزی وزیر دنیش تریویدی نے آج راجیہ سبھا کی رکنیت سے استعفیٰ دے دیا۔
مسٹر تریویدی نے جمعہ کو راجیہ سبھا میں سال 2021-22 کے عام بجٹ پر تبادلہ خیال میں حصہ لیتے ہوئے کہا کہ میری آبائی ریاست مغربی بنگال میں تشدد ہورہا ہے اور ہم کچھ کہہ نہیں پارہے ہیں۔ انہوں نے کہا کہ انہیں گھٹن محسوس ہو رہی ہے اور وہ کچھ بول نہیں پارہے ہیں اس لئے وہ راجیہ سبھا کی رکنیت سے استعفیٰ دے رہے ہیں۔
انہوں نے کہا کہ بنگال میں جس طرح تشدد ہورہا ہے انہیں یہاں بیٹھے بیٹھے بہت عجیب لگ رہا ہے۔ انہوں نے کہا، ’’میری روح کی آواز کہہ رہی ہے کہ یہاں بیٹھے بیٹھے اگر آپ چپ رہو اور کچھ نہ کہو، اس سے اچھا ہے آپ یہاں سے استعفیٰ دو۔ میں اعلان کرتا ہوں کہ میں راجیہ سبھا سے استعفیٰ دے رہا ہوں۔
مسٹر تریویدی کا راجیہ سبھا ممبر کی حیثیت سے کام کا آغاز 2020 سے ہوا تھا۔
