موٹر سائیکل پر سوار تین افراد اتوار کی رات بارات تقریب میں شرکت کیلئے ضلع کے دھمداہا تھانہ علاقہ کے رائے پورا گاﺅں جارہے تھے تبھی فریانی گاﺅں کے نزدیک ٹرک کی زد میں آنے سے ان کی موت ہوگئی۔
پورنیہ: بہار میں پورنیہ ضلع کے مرنگا تھانہ علاقہ میں ٹرک کی زد میں آنے سے تین نوجوانوں کی موت ہوگئی۔
پولیس ذرائع نے سموار کو یہاں بتایا کہ موٹر سائیکل پر سوار تین افراد اتوار کی رات بارات تقریب میں شرکت کیلئے ضلع کے دھمداہا تھانہ علاقہ کے رائے پورا گاﺅں جارہے تھے تبھی فریانی گاﺅں کے نزدیک ٹرک کی زد میں آنے سے ان کی موت ہوگئی۔
مرنے والوں کی شناخت کٹیہار ضلع کے پھلکا تھانہ علاقہ باشندہ شمبھو محلدار، سورج رشی دیو اور گیانی رشی دیو کے طور پر کی گئی ہے۔
ذرائع نے بتایا کہ واقعہ کے بعد ٹرک ڈرائیور گاڑی سمیت فرار ہوگیا۔ واقعہ کی جانکاری کے بعد موقع پر پہنچی پولیس نے لاش پوسٹ مارٹم کیلئے بھیج دی ہے.
