21 جنوری کو وزیر مملکت اور جننائک جنتا پارٹی (جے جے پی) کے رکن اسمبلی انوپک دھانک کے کیمری روڈ، حصار میں واقع رہائش گاہ پر کسان پہنچیں گے اور ان سے استعفی کا مطالبہ کریں گے۔
حصار: مرکز کے تین زرعی قوانین کے خلاف جاری تحریک کے دوران اب وزراء اور ممبران اسمبلی سے گھر گھر جاکر استعفی مانگا جائے گا۔
یہ فیصلہ بھارتیہ کسان یونین چڈھونی گروپ کی جانب سے آج یہاں یونین کے ضلعی صدر کالا کنوہ کی صدارت میں منعقدہ ایک اجلاس میں کیا گیا۔
مسٹر کنوہ نے بتایا کہ 21 جنوری کو وزیر مملکت اور جننائک جنتا پارٹی (جے جے پی) کے ممبر اسمبلی انوپک دھانک کے کیمری روڈ، حصار میں واقع رہائش گاہ پر کسان پہنچیں گے اور ان سے استعفی کا مطالبہ کریں گے۔
انہوں نے بتایاکہ اس کے بعد ضلع کے تمام ممبران پارلیمنٹ اور ممبران اسمبلی سے استعفیٰ طلب کیا جائے گا۔
