ٹرمپ حامیوں کے کیپیٹل ہلس پر حملے کے بعد مسٹر پینس اور مسٹر ٹرمپ کے رشتے میں تلخی آگئی تھی۔ اس تشدد کے لئے ڈیموکریٹس نے مسٹر ٹرمپ پر اپنے حامیوں کو بھڑکانے کا الزام لگایا تھا۔
واشنگٹن: امریکہ میں کیپیٹل ہلس پر حملے کے بعد پہلی بار امریکی صدر ڈونلڈ ٹرمپ اور نائب صدر مائک پینس نے وائٹ ہاؤس میں ایک میٹنگ کے دوران کہا کہ وہ اپنی مدت کار کے باقی وقت ایک ساتھ کام کے لئے پابند عہد ہیں۔ صدر اور نائب صدر کی پیر کو ہوئی میٹنگ کے بعد ایک سینئر افسر نے کہا ’’دونوں لیڈروں کے مابین اچھی بات چیت ہوئی۔
انہوں نے انتظامیہ کے گزشتہ چار برسوں کے کاموں اور کامیابیوں پر تبادلہ خیال کیا اور اپنی مدت کار کے باقی دنوں کے لئے ملک کی جانب سے کام جاری رکھنے کی عہد بستگی ظاہر کی۔
واضح رہے کہ گزشتہ ہفتہ امریکی پارلیمنٹ میں نو منتخب صدر جو بائیڈن کی فتح کی کانگریس میں تصدیق کے دوران ٹرمپ حامیوں کے کیپیٹل ہلس پر حملے کے بعد مسٹر پینس اور مسٹر ٹرمپ کے رشتے میں تلخی آگئی تھی۔ اس تشدد کے لئے ڈیموکریٹس نے مسٹر ٹرمپ پر اپنے حامیوں کو بھڑکانے کا الزام لگایا تھا۔
مزید اسے بھی پڑھیں:
