پاکستانی فوجی ہیلی کاپٹر تکنیکی خرابی کی وجہ سے گلگت بلتستان کے منی مرگ میں حادثے کا شکار ہوکر تباہ ہوگیا۔
اسلام آباد: گلگت-بلتستان علاقے میں اتوار کے روز پاکستانی فوجی ہیلی کاپٹر کے حادثہ کے شکار ہونے سے چار افراد جاں بحق ہوگئے۔
پاکستانی فوج کے میڈیا ونگ انٹر سروس پبلک ریلیشن (آئی ایس پی آر) نے یہ اطلاع دی ہے۔
انہوں نے ایک بیان میں کہا کہ "پاکستان کا ایک فوجی ہیلی کاپٹر تکنیکی خرابی کی وجہ سے گلگت بلتستان کے منی مرگ میں حادثے کا شکار ہوکر تباہ ہوگیا۔
یہ حادثہ اس وقت پیش آیا جب ہیلی کاپٹر سپاہی عبد القادر کی لاش کو نکال رہا تھا۔ آئی ایس پی آر نے حادثے کے بارے میں مزید تفصیلات نہیں دی ہیں۔
