فیڈیکس کے نمائندے بونی ہیریسن کے بیان کے مطابق، فائزر-بایو انٹیک سے کووڈ – 19 اینٹی ویکسین ملنا شروع ہوگیا ہے۔ امریکہ میں ویکسین کی فراہمی کے لئے ’آپریشن وارپ اسپیڈ‘ کے ایک افسر کے مطابق، امریکی ریاستوں کو پیر سے ’فائزر بایو انٹیک‘ کی ویکسین مل سکتی ہے۔
واشنگٹن: ملٹی نیشنل ڈلیوری سروسز کمپنی فیڈیکس کو ’فائزر-بایو انٹیک‘ سے کووڈ – 19 اینٹی ویکسین ملنا شروع ہوگیا ہے۔ ’کمرشیل اپیئل‘ اخبار نے اپنی رپورٹ میں یہ اطلاع دی ہے۔
فیڈیکس کے نمائندے بونی ہیریسن نے کہا ’’یہ ویکسین ہمارے نیٹ ورک تک پہنچنا شروع ہوگیا ہے۔‘‘
امریکہ میں ویکسین کی فراہمی کے لئے ’آپریشن وارپ اسپیڈ‘ کے ایک افسر جنرل گستاؤ پیرنا نے بتایا کہ امریکی ریاستوں کو پیر سے ’فائزر بایو انٹیک‘ کی ویکسین مل سکتی ہے۔ انہوں نے کہا امید ہے کہ پیر کی صبح پہلی کھیپ آئے گی ۔ ہم نے ویکسین کی حفاظت کو یقینی بنانے کیلئے وفاقی اور مقامی لا انفورسمنٹ ایجنسیوں سمیت ’فازئر‘، ’میک کیسن‘، ’یو پی ایس‘ اور ’فیڈیکس‘ کے ساتھ حکمت عملی بنائی ہے۔ بغیر کسی غلطی کے فی الحال سپلائی کا کام شروع ہوچکا ہے‘‘۔
