ہلدوانی پولیس کے مطابق شیث محل کے کینال روڈ پر کچھ لوگوں کے ذریعہ شادی کے بہانے سڑک جام کیا گیا اور کورونا وائرس کے ہدایات کی خلاف ورزی کی گئی۔ پولیس نے 25 افراد کے خلاف مقدمہ درج کرلیا۔
نینی تال: اتراکھنڈ کے ہلدوانی میں پولیس نے شادی کی تقریبات میں کورونا وائرس کے ہدایات کی خلاف ورزی کرنے اور سڑک پر جام کرنے کے الزام میں 25 افراد کے خلاف ہفتہ کے روز مقدمہ درج کیا۔
یہ معاملہ شیث محل تھانہ کے شیوالک وہار فیز 2 کا ہے۔ ہلدوانی پولیس کے مطابق شیث محل کے کینال روڈ پر کچھ لوگوں کے ذریعہ شادی کے بہانے سڑک جام کیا گیا اور شادی کی ہدایات کی خلاف ورزی کی گئی۔ جس سے عام لوگوں کو پریشانی کا سامنا کرنا پڑا۔
پولیس کے مطابق علاقے میں امن و امان برقرار رکھنے کے لئے پولیس نے آج ملزم بھولا دتہ اور 25 دیگر افراد کے خلاف تعزیرات ہند کی دفعہ 341 کے تحت مقدمہ درج کیا۔ پولیس معاملے کی مزید چھان بین کر رہی ہے۔
