افغانستان: کابل میں 23 راکٹوں سے کئے گئے حملے میں 10 افراد ہلاک، 51 زخمی

افغانستان کے وزارت داخلہ کے مطابق سنیچر کی صبح کابل میں 23 راکٹوں سے حملہ کیا گیا تھا، جس میں 10 لوگوں کی موت ہوگئی اور 51 دیگر زخمی ہوگئے۔

کابل: افغانستان کی راجدھانی کابل میں 23 راکٹوں سے کئے گئے حملے میں کم سے کم 10 لوگوں کی موت ہوگئی اور 51 دیگر زخمی ہوگئے۔ خبررساں ایجنسی نے اتوار کو نائب فرسٹ صدر امیتابھ صالح کے حوالے سے یہ اطلاع دی ہے۔

اس سے پہلے کی رپورٹوں میں سینٹرل کابل کے مختلف علاقے میں ہوئے دھماکوں میں آٹھ شہریوں کے مارے جانے اور پچاس دیگر کے زخمی ہونے کی بات کہی گئی تھی۔ افغانستان کے وزارت داخلہ کے مطابق سنیچر کی صبح کابل میں 23 راکٹوں سے حملہ کیا گیا تھا۔

راجدھانی کابل میں ایرانی سفارت خانہ نے بعد میں بتایا کہ ایک راکٹ سفارت خانہ پر گرا ہے۔ اسلامی اسٹیٹ (آئی ایس) گروپ نے ان حملوں کی ذمہ داری قبول کی ہے۔