عدالتی تحویل میں دیے جانے کے بعد ارنب کو تلوجہ جیل کے قیدیوں کے لئے بنائے گئے عارضی قرنطنیہ مرکز میں رکھا گیا تھا۔ موبائل فون استعمال کرنے پر انہیں تلوجہ جیل منتقل کر دیا گیا۔
ممبئی: عدالتی تحویل میں موبائل فون استعمال کرنے پر ریپبلک ٹی وی کے ایڈیٹر ارنب گوسوامی جن پر کسی شخص کو خودکشی پر مجبور کرنے کا معاملہ درج کیا گیا ہے آج انھیں ممبئی سے متصلہ نئی ممبئی شھر میں واقع تلوجہ جیل میں منتقل کر دیا گیا ہے۔
اس بات کی تفشیش کی جا رہی ہے کہ آیا انھیں عدالتی تحویل میں موبائل فون کس طرح دستیاب ہوا۔
تفشیشی افسر جمیل شیخ نے بتلایا کہ مقامی عدالت کی جانب سے عدالتی تحویل میں دیے جانے کے بعد ارنب کو تلوجہ جیل کے قیدیوں کے لئے بنائے گئے عارضی قرنطنیہ مرکز میں رکھا گیا تھا۔ لیکن پولیس کو یہ اطلاع موصول ہوئی کہ ارنب اس دوران اپنے سوشل میڈیا اکاؤنٹ پر سرگرم ھے۔
انھوں نے کہا کہ اطلاع ملنے کے فوری بعد اسے تلوجہ جیل میں منتقل کر دیا گیا ہے اور عدالتی تحویل میں موبائل فون کی دستیابی کی تفشیش کا حکم جاری کیا گیا ہے۔
