امریکی انٹلیجنس کی ایک رپورٹ کے مطابق، امریکہ کو سب سے بڑا خطرہ نسل پرست انتہا پسندوں سے ہے۔ رپورٹ میں نسل پرست حملوں کی حوصلہ افزائی کرنے والوں کے خلاف کارروائی کی سفارش کی گئی۔
واشنگٹن: امریکی انٹیلی جنس کی ایک رپورٹ کے مطابق امریکہ کو سب سے زیادہ خطرہ نسل پرست انتہا پسندوں سے ہے۔ خفیہ ایجنسی نے اس اندیشے کا اظہار کیا ہے کہ رواں سال نسل پرستانہ انتہاپسندوں کی کارروائیوں میں اضافہ ہو سکتا ہے۔
اس رپورٹ میں نسل پرست حملوں کی حوصلہ افزائی کرنے والوں کے خلاف کارروائی کی سفارش کی گئی۔
دریں اثنا امریکی اٹارنی جنرل نے کہا ہے کہ جنوری 2021 میں کیپیٹل ہل عمارت پر انتہا پسندوں کے خلاف کارروائی اولین ترجیح ہے۔
ذرائع ابلاغ سے ملنے والی رپورٹوں میں کہا جاتا رہا ہے کہ ڈونلڈ ٹرمپ کے دور میں نسل پرستانہ واقعات کو نظر انداز کیا گیا اور ان ہی رپورٹوں میں بار بار تنبیہ کی جاتی رہی ہے، تب بھی ٹرمپ انتظامیہ نے اس جانب توجہ نہیں دی۔
